人愈大, 就愈多心事!! 仲記得細個果時, 咩都放哂係塊面到~~ 人人一睇我塊面就知道我咩心情!! 唔鍾意既就一定出聲, 開心就會不停咁笑~~ 大個左之後, 簡直180度大轉變!! 變到咩都收埋收埋, 所有野一個人去承受, 一個人去面對, 所有開心同唔開心, 都收埋哂, 冇人會知~~ 我知道咁樣會鬱埋鬱埋一定會出事, 但我冇意欲去改!! 明知咁係唔岩, 可惜我唔想麻煩到你地同埋要任何一位擔心我~~ 包括我的老公, 我父母, 我的朋友及同事!! 我知道如果我肯講你地一定會做我既聆聽者, 但........我唔識講, 亦唔想咁做~~

上星期, 有一位我一向都唔多鍾意同好憎佢既親戚黎左我屋企!! 因為我老公當日返左大陸拜山, 我又想留係屋企陪我媽, 因為我媽仍在康復中, 所以約左老公食dinner~~ 果日, 係繼我發生完果件事之後, 最令我難受既一日, 果一日, 我比人出言侮辱我最親既人(我老公同我父母)!! 初初我不停駁架, 但駁駁下, 我已經冇力啦~~ 下下都好似利刀咁係用筒你個人, 比著係任何一個人都一定會死係佢既利刀之下!! 果個人既出言侮辱勁程序達百分之99.99, 真係太勁了~~ 雖然我知道果個人一向都係咁, 而且我一向都好憎佢, 但佢係想我死冇葬身之地我唔係唔知!! 佢永遠都覺得佢自己果套一定係岩, 因為佢做左幾十年人呀麻~~ 可惜, 佢永遠都唔知道佢果一套永遠都用唔到係我身上!! 係我阿麻仲在生時, 佢周不時都去我麻到中傷我, 務求我要變到佢想既咁樣~~ 係我地咁多個中, 只有一個被迫比接受左佢既要求!! 但我睇到佢出黎係點, 出黎同一個傻既冇分別~~ 最後搞到有事有病!! 我唔同佢, 佢父母一向果個個人好close!! 雖然我父母都係, 只不過close既程式冇佢地咁深~~ 到到依家, 我父母從來都冇話過我依家有咩唔好, 佢地好滿意我依家咁樣!! 我自己都係, 亦覺得冇咩大問題~~ 點解一定要我地個個做到你咁既要求?? 呢d叫為我地好咩?? 我想話, 唔係囉!! 你就係咁霸道, 咁強制, 咩都以為自己果套岩, 從來都唔會理人地感受~~ 咁多年啦, 我真係受夠啦!! 如果唔係因為我父母既關係, 我一定唔會見你, 亦唔想同你嘈更加唔想叫你聽到你把聲~~ 我恨不得將你所有有關你既野從此delete!! 我曾經聽過父母既勸告, 唔好去憎你同恨你~~ 可惜, 我做到之後係你令我更恨你更憎你!! 我成世女, 雖恨人地出言侮辱我父母, 侮辱我老公同提起果一件我永遠都後悔既事~~ 我知道果件事我係做錯左, 事後我都好後悔, 我冇話過我冇錯!! 點解人人都講過唔提之後, 你又一而再再而三咁提起?? 嫌我唔夠傷, 唔夠死?? 我父母有咩得罪你呀?? 你講到自己好偉大, 好祟高咁, 下下好似幫我父母出頭幫我父母講野咁~~ 可惜, 我父母跟本就冇諗過你所講既野!! 至於我老公又得罪過你d咩呀?? 我又得罪過你d咩呀?? 果件事跟本同你冇關, 又冇令到你有任何損失, 洗唔洗好似唱歌咁, 次次都要提下先安落呀~~ 你想刮我瘡疤咪係全香港報紙到登出黎囉!! 我唔係想講晦氣說話, 只係你人人都知呀麻, 登報紙囉~~ 你有病, 有心理唔平衡既咪出聲囉!! 我會體諒你架wor, 唔係係唔係到黎我屋企發癲啦~~ 再係咁, 唔係你發癩係我發狂呀!!

我未見過一個衛生極既人見到人地屋企個廁所冇咩野, 好乾淨都要做一大輪功夫係到清潔~~ 我知道, 佢一向都有潔癖, 但個廁所人人見到都話冇問題, 我唔知佢對眼係唔係顯微鏡囉!! 之後佢一輪咀係到話全世界都唔做屋企野 , 搞到佢山長水遠黎我屋企搞左咁耐, 要佢咁攰~~ Sorry, 我屋企冇人要過你做, 係你自己屎忽痕係到玩清潔!! 你要搞野黎嘈我唔理你, 唔該你唔好係到借d二係到鬧人!! 我好記得, 我麻走果日, 我地成家人都已經好唔開心, 佢仲要第一時間知道左之後, 夜mama 12點幾打電話黎我屋企係到鬧我地以前唔日日去睇我呀麻~~ 人人都叫我地唔好傷心, 節哀順變既時候, 你係到講埋呢d說話?? 我地去睇佢, 照顧佢既時候洗唔洗同你mark簿呀?? 我都唔明點解d人係唔係日頭返工冇野做, 食飽飯冇屎柯, 冇野搵野黎搞!! 唔止我一家, 係我地幾家都係咁比佢煩比佢理~~ 好彩佢冇結婚, 如果唔係呢頭結婚果頭離婚都似!!

事後, 我真係唔開心左幾日~~ 我父母更擔心我會因為咁而去自殺!! 比著係以前, 我一早跳左落去死q左佢一了百了~~ 但依家, 我大個左, 知道就算我死左都好, 件事都一樣會係到, 只會留返比我身邊既人去承受!! 而且, 有我老公係到一日, 我都唔會死~~ 雖然我阿麻死左, 但我應成過佢我要乖我要生性的, 就因為呢2個人同埋我父母, 我更加唔可以死!! 你要我咁咩?? 我就係做返個相反!! 你吹呀?? 總之, 我應成過我父母, 我阿麻同我老公我唔會行差踏錯, 腳踏實地做人, 對得住天地良心就ok~~ 我理得你有牙呀?? 我知道我唔可以衰比任何一個人睇, 我要自強, 我要加油努力!!

呢排發生左好多事, 個人都冇咩mood, 心情好差!! 日日都好早返去, hea得就hea~~ 琴晚睇左The reader (係屋企睇, 同係戲院睇冇咩分別)!! 個story ok架, 雖然好多3仔成份~~ 但個story真係寫得幾好!!

Attach左d圖比人家睇, 我十分鼓勵大家去睇~~

星期6果日同老公食完lunch之後就各自各lu~~ 因為老公星期五晚同佢d fds打通頂機, 肯同我食埋lunch先返去算好了!! 平時我一定要食自己~~ 食完之後我就一個人坐叮叮去左中央圖書館溫書!! 勁少可會咁乖真係溫書囉~~ 真係難得!! 行左3, 4, 5樓各2次, 最後先係5樓搵到個位可以比我溫書~~ 好彩我個timing岩岩好炸!! 果個人又岩岩走~~ ^^ 之後我由3點3左右溫溫溫溫到6點3, 借埋書6點半左右就走lu!! 開始覺得自己學左Mandy~~ 哈哈............借完書又坐返叮叮去東園食飯!! 因為老豆叫我唔好late, 7點前到~~

去到都冇咩野做, 幫下老豆手, 同d親戚so so下!! 冇計, 因為我的貝Natalie未到~~ 8點左右佢終於黎啦!! 因為比我阿伯嚇親佢的關係, so要warm up下先可以玩~~ 玩到鬼哂咁嘈, 同佢玩真係好攰, 佢仲好精力過我!! 同佢玩之如又要睇住佢, 哈哈............一句講哂癲左~~ 鬼叫佢可愛咩(唔百厭唔扭計時)!!

玩玩玩, 玩到11點先返去~~ 返到去整埋部電腦d野, 成1幾先訓!! 一訓落床唔洗3mins就即刻訓著左~~ 星期日訓到成點幾先起身, 勁正!! 行左陣返back home~~ At night時一路食飯一路睇星期日檔案!! 一路睇一路係到笑~~ why?? 自己down返黎睇啦!! 佢今次個topic係港男講女~~ 超好笑, 我十分之興幸我自己唔係港女, 哈哈...........我諗如果我係港女的話, 我老公一定渡會要我囉!! haha............我呢D咪叫做特別囉~~ 講真, 你問我like唔like wear dress??? 我又冇咩特別起好, 隨手拎起咩咪著咩囉!! 最緊要方便~~ 我最唔鐘意化妝的, 如冇必要都唔會咁做!! 都係果句, 因為我老公唔like~~ 我出門口出名最快, 最快15mins可以出到口!! 返工時, 日日都係咁架啦~~ 我又唔係特別追潮野既, 好睇果樣野岩唔岩心水!! 我真係靚同like的話我先買囉~~ 身上冇咩名牌, 最貴果個咪個銀包同散子包囉!! 減肥我就有, 不過冇d港女咁癲, 我呢d係慳錢減肥法~~ 我同我老公拍拖4年, 佢送過我多次返屋企真係5隻手指數得哂!! 佢送唔送我都冇咩所謂, 唔會特別要求囉~~ 你like送既咪送囉, 唔送的話我又唔係冇腳返唔到屋企!! 我從來都唔會自拍, 多數都係叫人幫我拎機囉~~ 扮q?? 勁少, 同Natalie玩時可能會既!!  所以我係千真萬確的非港女~~

我老公真係要多謝我囉, 因為係現今香港裡面, 冇咩非港女架啦!! 佢簡到其中一個, 真係要湯雞還神啦~~ 搞到我依家好想睇下一集呀!! 因為下一集個topic係港女講男呀~~ 我實睇呀!!